Главная » 2011 » Январь » 27 » Յուրա Մովսիսյանը ստորագրեց պայմանագիրը
09:15 Յուրա Մովսիսյանը ստորագրեց պայմանագիրը |
Հայաստանի հավաքականի հարձակվող Յուրա Մովսիսյանն այսօր Անթալիայում պայմանագիր է կնքել «Կրասնոդարի» հետ: ArmSport.am-ին Մովսիսյանի մերձավորներից հայտնի դարձավ, ով կողմերը երեկ վերջնական համաձայնության են եկել և պայմանագիրը կնքված է, ինչի մասին շուտով պաշտոնապես կհայտարարվի «Կրասնոդարի» կայքում:
Այն, որ Մովսիսյանը «Ռանդերսից» տեղափոխվելու է «Կրասնոդար», գրեթե ոչ ոք չէր կասկածում, սակայն onedivision.ru կայքում տարօրինակ բան տեղի ունեցավ: Կրասնոդարում տեղակայված կայքը, որը լուսաբանում է հիմնականում Ռուսաստանի առաջին դիվիզիոնին առնչվող իրադարձություններ, հայտարարեց, որ Մովսիսյանը նախնական պայմանագիր է կնքել «Կրասնոդարի» հետ, իսկ քիչ անց լուրն անհետացավ կայքից:
Տեղի ունեցածը մտորելու տեղիք տվեց, սակայն Մովսիսյանին մոտ կանգնած աղբյուրը նշեց, որ Յուրան պայմանագիրն արդեն ստորագրել է, որի մանրամասները հայտնի կդառնան ավելի ուշ:
Ավելացնենք, որ այսօր «Կրասնոդարը» 0:1 հաշվով զիջեց Մոսկվայի «Դինամոյին»:
Հիշեցնենք, որ «Կրասնոդարը» երկու օր առաջ պաշտոնապես իրավունք ստացավ ելույթ ունենալ Ռուսաստանի 2011թ. Պրեմիեր լիգայում, ինչն էլ վճռորոշ հանգամանք դարձավ Մովսիսյանի համար նոր ակումբի ընտրության հարցում:
|
Просмотров: 390 |
Добавил: Artur
| Рейтинг: 0.0/0 |
|