Inchpes texekacnum e tert.am-@,Առանց որոշակի բնակության վայրի մի հայ փորձել է ինքնասպանություն գործել Մոսկվայում՝ ՌԴ նախագահի ընդունարանի շենքում։ Միջադեպը տեղի է ունեցել դեռ երեկ, բայց այդ մասին հայտնի է դարձել միայն այսօր։
Ինչպես տեղեկացնում է Свободная пресса-ն, մայրաքաղաքի իրավապահ մարմիններից աղբյուրը հայտնել է, որ հունվարի13-ին, ժամը 14։30-ին Իլյինկա 23 հասցեում գտնվող Մեդվեդևի ընդունարանի տարածք է մտել մի տղամարդ և ածելիով իրեն պարանոցի շրջանում և աջ ձեռքին տարբեր վնասվածքներ է հասցրել։
Դեպքի վայր ժամանած շտապ օգնության մեքենան տղամարդուն հիվանանոց է տեղափոխել։
Արդեն հաստատվել է, որ 1970թ. ծնված տուժածը Ռուսաստանի տարածքում գրանցում չունի և ազգությամբ հայ է։ Ըստ РБК-ի՝ տղամարդը Գումեդին Գրիշայի Բելոսոնյանն է։
Նաև հայտնի է դարձել նրա ինքնասպանության փորձի դրդապատճառը։ Նախնական տվյալներով՝ այդ քայլով անտուն հայը փորձել է ուշադրության արժանանալ՝ գոնե ինչ-որ փաստաթուղթ ստանալու նպատակով։
inchpes texekacnum e tert.am-@,«Արարատյան» պոմպակայանում շինարարական աշխատանքների հետ կապված, հունվարի 17-ին ժամը 9.00-ից մինչև հունվարի 18-ը ժամը 21.00-ն կդադարեցվի Շենգավիթ վարչական շրջանի Արին-Բերդ փողոցի ու 4-րդ նրբանցքի և հարակից տարածքների ջրամատակարարումը: Շենգավիթ վարչական շրջանի մնացած հատվածներում կնկատվի ջրի ճնշման անկում: Նույն աշխատանքների հետ կապված` կդադարեցվի Արարատի մարզի Գեղանիստ, Արգավանդ գյուղերի ջրամատակարարումը: Իսկ Մալաթիա-Սեբաստիա վարչական շրջանի Բ1, Բ-2, Բ-3, Բ-4 զանգվածներում կնկատվի ջրի ճնշման անկում: Այս մասին հայտնում են «Երևան ջուր» ընկերությունից։