Главная » 2011 » Январь » 12 » Facebook-ի փակումը հերքող լուրը ռեկորդ է սահմանել
18:48 Facebook-ի փակումը հերքող լուրը ռեկորդ է սահմանել |
Facebook–ի ղեկավարության պաշտոնական հայտարարությունն այն մասին, որ կայքը չի փակվելու և չի դադարեցնելու իր աշխատանքները, կայքի պաշտոնական էջում դարձել է ամենաշատ ընթերցված հրապարակումը Facebook-ի ամբողջ պատմության ընթացքում։ Այս մասին հայտնում է РИА Новости–ն։
Անցյալ շաբաթ Weekly World News կայքը, վկայակոչելով Facebook–ի հիմնադիր Մարկ Ցուկերբերգին, հայտնել էր, որ 2011թ. մարտի 15–ից հետո կայքը կփակվի։
Facebook–ի ղեկավարությունը սոցիալական կայքի իր պաշտոական էջում հրապարակել է Weekly World News–ի լրագրողների կատակը ժխտող հայտարարություն։ «Մենք կշարունակենք սովորականի պես աշխատել։ Մենք երբեք չենք պատրաստվում հեռանալ, մենք դեռ նոր ենք սկսել»,– գրել են ընկերության ներկայացուցիչները։
Այս հրապարակումը ունեցել է ավելի քան 12 հազար մեկնաբանություն, և մոտ 70 հազար ընթերցող սեղմել է «հավանում եմ» կոճակը։ Facebook–ի մամուլի ծառայությունից հայտնել են, որ սա ղեկավարության պաշտոնական էջում մասսայականության ռեկորդ է սահմանել։
Միաժամանակ ընկերությունում նշում են, որ Weekly World News–ի սուտ տեղեկատվության հրապարակումը սոցիալական կայքի համար բացասական հետևանքներ չի ունեցել։
|
|
Просмотров: 386 |
Добавил: Artur
| Рейтинг: 0.0/0 |
|
