Главная » 2011 » Январь » 12 » Երևանում ջրծաղիկի դեպքերի նվազում է նկատվում
18:40 Երևանում ջրծաղիկի դեպքերի նվազում է նկատվում |
2010 թ.-ի հոկտեմբեր-դեկտեմբեր ամիսներին Երևանում արձանագրվել է ջրծաղիկով հիվանդացության դեպքերի սեզոնային ավելացում: Ինչպես տեղեկացնում է ՀՀ առողջապահության նախարարությունը, իրականացվել են անհրաժեշտ հակահամաճարակային միջոցառումներ` դեպքերը տեղայնացնելու և վարակի հետագա տարածումը կանխելու նպատակով: Ձեռնարկված միջոցառումների շնորհիվ դեկտեմբերի վերջից դիտվում է հիվանդացության իջեցում:
Ջրծաղիկը սուր, բարձր վարակելիությամբ օժտված, օդակաթիլային մեխանիզմով փոխանցվող վիրուսային հիվանդություն է, որը տարածված է ամենուր: Մեղմ կլիմայական պայմաններում բնակչության առնվազն 90%-ը հիվանդանում է ջրծաղիկով մինչև 15 տարեկանը, այդ թվում՝ առնվազն 95%-ը՝ մանկական տարիքում:
Վարակի աղբյուրը հիվանդ մարդն է: Վիրուսը անկայուն է շրջակա միջավայրում, որի հետևանքով, որպես կանոն, վարակը չի փոխանցվում երրորդ անձի և հիվանդի օգտագործած անձնական իրերի միջոցով:
Հիվանդության գաղտնի շրջանը 21 օր է: Ջրծաղիկը սովորաբար թեթև է ընթանում՝ աննշան ջերմությամբ, չափավոր ախտանշաններով և մաշկի բշտիկավոր ցանավորմամբ:
|
Просмотров: 399 |
Добавил: Artur
| Рейтинг: 0.0/0 |
|