Главная » 2011 » Январь » 25 » «Դոմոդեդովոյի» ահաբեկությունից վիրավորված երկու հայերի վիճակը ծանր է
21:14 «Դոմոդեդովոյի» ահաբեկությունից վիրավորված երկու հայերի վիճակը ծանր է |
«Ռուսաստանի «Դոմոդեդովո» օդանավակայանում երեկ տեղի ունեցած ահաբեկության ժամանակ վիրավորված 4 հայերից երկուսի վիճակը ծանր է։ Այս մասին Tert.am–ին տեղեկացրեց ՀՀ ԱԳՆ մամուլի քարտուղար Տիգրան Բալայանը՝ նշելով, որ ծանր վիճակում գտնվող հայերից մեկը 65 տարեկան Գուրգեն Վարդանի Խաչատուրովն է, մյուսը` 59տ. Անատոլի Աշոտի Պողոսբեկովը։
ՀՀ ԱԳՆ–ն փորձում է ճշտել, թե ահաբեկությունից վիրավորված հայերը որ երկրի քաղաքացիներ են։ Ամենայն հավանականությամբ, չորսն էլ Ռուսաստանի Դաշնության քաղաքացիներ են։
Հիշեցնենք, որ «Դոմոդեդովո» օդակայանում երեկ, Մոսկվայի ժամանակով ժամը 16.32–ին պայթյուն է տեղի ունեցել։ Նախնական տվյալներով՝ 5 կգ տրոտիլային համարժեք հզորությամբ պայթուցիկ սարքը գործի է դրել դիմավորողների բազմության մեջ գտնվող մահապարտ ահաբեկիչը։
tert.am
|
Просмотров: 367 |
Добавил: Artur
| Рейтинг: 0.0/0 |
|