Главная » 2011 » Январь » 27 » Այսօր երեկոյան Հայաստանում կդիտվեն տեղումներ
11:04 Այսօր երեկոյան Հայաստանում կդիտվեն տեղումներ |
Հունվարի 27-ի երեկոյան Հայաստանում կսկսվեն և 5 օր կշարունակվեն տեղումները անձրևի և ձյան տեսքով: Այսօր լրագրողների հետ հանդիպման ժամանակ այս մասին ասաց «Հայպետհիդրոմետ» ծառայության օպերատիվ հիդրոօդերևութաբանության բաժնի պետ Զարուհի Պետրոսյանը:
«Հովտային շրջաններում ցերեկը կլինի անձրև, գիշերը՝ ձյուն: Բարձրադիր շրջաններում տեղումները կլինեն ձյան տեսքով: Փետրվարի 1-ից ջերմաստիճանը կնվազի և ամենուրեք կդիտվի ձյուն: Առաջիկա օրերին տեղումները առատ չեն լինի: Փետրվարի 1-ից տեղումները կլինեն մինչև 15 մմ»,- ասաց նա:
Ըստ կանխատեսումների՝ փետրվարին տեղումների քանակը սպասվում է նորմայից ավելի: Լեռնային շրջաններում կդիտվեն մինչև 70 մմ տեղումներ, մայրաքաղաքում և հովտային շրջաններում` մինչև 30 մմ:
«Փետվարին ջերմաստիճանը կլինի հունվարից մեկ աստիճանով ցածր: Առաջին տասնօրյակը կլինի ամենացուրտը»,- ասաց Պետրոսյանը: Արարատյան դաշտավայրում ջերմաստիճանը կնվազի`գիշերը հասնելով մինչև -10-12 աստիճանի: Ցերեկը կլինի մինչև 1 աստիճան տաքություն:
«Ռեալ ձյան ծածկույթ հանրապետության ողջ տարածքում կլինի փետրվարի 1-ից հետո»,- ասաց Զարուհի Պետրոսյանը:
tert.am
|
Просмотров: 442 |
Добавил: Artur
| Рейтинг: 0.0/0 |
|