Մեծ Բրիտանիայում 83–ամյա կնոջը հաջողվել է բռնել հանցագործության վայրից փախուստի դիմած գողին։ Այս մասին տեղեկացնում են բրիտանական լրատվամիջոցները։
Երբ 83–ամյա Բեթի Թորնթոնը մենակ է եղել տանը, նրա բնակարանի դուռը թակել է 34-ամյա Մայքլ Հոլը և խնդրել կնոջ հեռախոսից օգտվելու թոույլտվություն ։ Բեթին համաձայնել է և երբ շրջվել է՝ հեռախոսի ետևից գնալու համար, անկոչ հյուրը գողացել է կնոջ պայուսակն ու դիմել փախուստի։ 83-ամյա կինը վազել է հանցագործի ետևից և բռնել նրան փողոցում, որտեղ գտնվող իրավապահներն անմիջապես ձերբակալել են Մայքլին։